Somewhere over the rainbow

Ons almal jaag die reënboog na in die hoop om die pot goud aan die punt daarvan te ontdek. Die verleidelike verskeidenheid van kleure lyk so naby maar tog so ver. Dit lyk vir jou asof jy dit sommerso maklik kan bereik. Net nog so hanetreetjie dan is ek daar, so voel dit, maar, helaas, daar skuif die reënboog verder en jou gekoesterde droom ook. Die prisma van die kleure is te mooi om te beskryf  en die droom bly maar net ’n droom.

As jong kinders het ons altyd vir mekaar gesê as ’n meisie graag ’n seun wil word moet sy net aan die punt van die reënboog raak en sy sal ’n seun wees.  Natuurlik andersom vir ’n seun wat graag in ’n meisetjie sou wou verander. Toe het ons al besef dit is ’n onmoontlike droom. Nog geen mens kon daardie punt bereik nie. Ek weet net dit is een van die mooiste gesigte: ’n reënboog  teen ’n donker donderwolk. Al sou jy nooit die pot goud in jou lewe kon bereik nie kan jy jou daaraan troos.

My seun en sy vrou het vir hulle MIV-positiewe kleindogter spesiaal haar kamer versier met ’n reënboog teen die muur, sodat hulle altyd bewus kan wees van die drome wat hulle gekoester het rondom haar lewetjie. Veral nadat die dokter vir hulle gesê het dat hulle nie langtermyn planne vir haar moet maak nie. Sy is so bedrywig maar as sy saans in haar bedjie gaan lê en kyk na haar getekende reënboog teen haar muur is al haar probleme vergete. Sy wys vir jou elke kleur uit en kan jou nie genoeg verseker hoe mooi dit vir haar is nie. Dit gee jou weer moed vir die lang pad wat geloop sal moet word en die drome wat dalk nooit bewaarheid sal word nie. Sy is maar net vyf jaar oud.

Die liedjie Somewhere over the rainbow laat my sommer trane in my oë kry.

Somewhere over the rainbow
Way up high,
There’s a land that I heard of
Once in a lullaby.

Somewhere over the rainbow
Skies are blue,
And the dreams that you dare to dream
Really do come true.

Someday I’ll wish upon a star
And wake up where the clouds are far
Behind me.
Where troubles melt like lemon drops
Away above the chimney tops
That’s where you’ll find me.

Somewhere over the rainbow
Bluebirds fly.
Birds fly over the rainbow.
Why then, oh why can’t I?

If happy little bluebirds fly
Beyond the rainbow
Why, oh why can’t I?

This entry was posted in Drome, Kinders and tagged , , . Bookmark the permalink.

One Response to Somewhere over the rainbow

  1. MaanKind sê:

    Ek het ‘n foto van ‘n baie prettige reënboog geneem. As jy my epos by trisa@icon.co.za, stuur ek dit vir jou.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s