Streepsuiker

As mens deesdae die woord “streepsuiker” teenoor kinders gebruik, sal hulle sekerlik dink jy verwys na daardie gestreepte stokkielekkers wat mens gewoonlik oor Kersfeestyd raaksien. Vir ons was dit egter ’n woord wat vrylik gebruik is toe ons kinders was. Wanneer jy iets gedoen het wat baie stout was, het jou maats jou gou daarop attent gemaak dat jy streepsuiker sal kry.

Die “streep” van streepsuiker verwys sekerlik na die merke wat agtergebly het nadat jy ’n pakslae gekry het. Waarna die “suiker” sou verwys, weet ek nie, tensy dit beteken het dat jy na jou straf soet sou word. In ons huis het ons nooit lyfstraf gekry nie – die kwaai uitdrukking op my pa se gesig was genoeg om ons in toom te hou.

Maar in die ou dae was daar baie woorde of uitdrukkings wat na pakslae verwys het. So tower die woord “riemspring” nogal ’n prentjie by my op van ’n jong seun wat moet bontstaan wanneer sy pa hom gestraf het. In die proses het die seun sekerlik meer houe gekry as wat sy pa bedoel het om hom te gee.

Dan is daar nog  jan-brand, siep-sop braaiboude, of die houtlepel. Woorde wat almal sekerlik binnekort in onbruik sal raak want ek ken niemand wat enigsins nog loesings uitdeel nie.

This entry was posted in Afrikaanse taal, Gewoontes and tagged , , , . Bookmark the permalink.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s